Welcome...

 விபா ஐ ஏ எஸ் 1.14

அன்பும் அறிவும் உடைத்தாயின்…

யூ பியின் ஈட்டா மாவட்ட எல்லை. தட்பவெப்பநிலை: -2°C. ஈரப்பதம்: 94%. பனி டென்ஸிட்டி பார்வைத் திறனை வெறும் ஐந்து மீட்டராகக் குறைத்திருந்தது.

அந்த ஆதரவற்ற பெண்கள் காப்பகத்தின் கதவு பூட்டப்பட்ட ஒரு சதுர வடிவ செங்கல் கட்டிடம். கையால் தொட்டாலே காரை உதிரும், மேற்கூரையின் உடல் நிலை கவலைக்கிடம். குளிருக்கு கொஞ்சம் கூட இரக்கமில்லாமல் வழி விட்டிருந்த மூன்றாந்தர சுவர்கள்.
உள்ளே 23 இளம் பெண்கள் மற்றும் ஒரு வயதான, அடிக்கடி அபான வாயுவை சப்தத்தோடு வெளியேற்றிய படி அரைத்தூக்கக்கலக்கத்தில் பாரியான பெண் மேட்ரன்.

வெளியே, இருட்டின் மறைவில் 12 பேர் கொண்ட ஒரு ஆயுதக்குழு நகர்ந்தது.

குழுவின் தலைவன் கட்டார் சிங். அவனது இடுப்பில் சமீபத்தில் யு பி அரசாங்கம் ஆர்டர் செய்து வாங்கின .38 ஸ்பெஷல் ரிவால்வர். அவனுக்கு எப்படி என்று கேட்டால் அந்த தொடர்பு நீண்டு ஒரு வழியாக காஸ்கஞ்ச் எம் எல் ஏ சுபேதார் சிங்கிடம் முடியும். அவனது ஆட்களிடம் இந்திய ராணுவத்தின் பழைய 7.62 மிமீ எஸ்.எல்.ஆர் (SLR) ரக துப்பாக்கிகளும், சில எஃகு கடப்பாரைகளும் இருந்தன.

300 வினாடிகளுக்குள் கட்டடத்தை ஊடுருவி, 23 பெண்களையும் பக்கத்திலிருக்கும் இரண்டு திறந்தவெளி மூடப்பட்ட ஃப்ளாட்பெட் லாரிகளில் அடைப்பது. அடுத்த நான்கு மணி நேரத்தில் 340 கி.மீ தூரத்திலுள்ள ஒடிசா எல்லை செக்போஸ்ட். அங்கிருந்து பரதீப் துறைமுகம். பனாமா நாட்டின் கொடி ஏந்திய ‘எம்.வி. அக்வா’ சரக்குக் கப்பல் மூலம் ஃபிலிப்பைன்ஸ்.
எம்.எல்.ஏ-வின் சுவிஸ் கணக்கிற்கு 'டெஸ்கோ எக்ஸ்போர்ட்ஸ்' என்ற போலி கம்பெனி மூலமாக 5 மில்லியன் அமெரிக்க டாலர்கள் கைமாறியிருந்தது.

ஆனால், கட்டார் சிங்கிற்கு ஒரு தெரியாத ஒரு சமாச்சாரம் அன்றிரவு அவன் வேட்டைக்காரன் அல்ல, அவன் தான் டார்கெட்டே!

நேரம்: 01:18:30

காப்பகத்தைச் சுற்றி 15 மீட்டர் சுற்றளவில், புதர்களின் மறைவில் ஆறு கறுப்பு உடை ஆசாமிகள் ‘ஃபயர் அண்ட் மூவ்மென்ட்’ வியூகத்தில் நிலைகொண்டிருந்தன. ஈட்டா மாவட்ட எஸ்பி ராபின் முகர்ஜி ஐ பி எஸ் ‘ஏ-டீம்’.

அவர்கள் கைகளில் 9 மிமீ சப்-மெஷின் துப்பாக்கிகள். ஒவ்வொன்றிலும் 30 ரவைகள் கொண்ட கபிள்ட் மேகசீன்கள் மற்றும் ‘வெட்-கேன்’ சைலன்சர்கள் பொருத்தப்பட்டிருந்தன.

கண்களில் ஜென் 3 நைட்-விஷன் உடலை இறுகப் பற்றிய கறுப்பு நிற கேவ்லார்-4 தோட்டா ஊடுருவாத உடைகள் மற்றும் இஃப்ரா ரெட் கதிர்களை பிரதிபலிக்காத சிறப்பு முகமூடிகள்.

ராபின் தன் கைகடிகாரத்தின் டிஜிட்டல் ஸ்டாப்வாட்சைப் பார்த்தான்.

ராபினினின் தாக்குதல் பாடம் - எதிரி சட்டத்தின் எல்லையைத் தாண்டும் முதல் 'அதிர்ச்சியை' நிகழ்த்தும் வரை காத்திருக்க வேண்டும். அப்போதுதான் நீதிமன்றத்தில்செல்ஃப் டிஃபன்ஸ் மற்றும் டாக்ட்ரின் ஆஃப் நெஸெஸ்ஸிடி சட்டப்பூர்வமாக உறுதி செய்யப்படும்.

கடக்... பட்!

கட்டார் சிங்கின் ஆளொருவன் எஃகு கடப்பாரையால் மரக்கதவின் பூட்டைத் தகர்த்தான். மரக்கதவு பிளந்து தொங்கியது. சட்டம் மீறப்பட்டது.

ராபின் தன் தொண்டைக்குள் இருந்த போன் கண்டக்‌ஷன் மைக் மூலம் முணுமுணுத்தான்: " ஆல்பா, எக்ஸிகியூட்... எக்ஸிகியூட்... எக்ஸிகியூட்!"

நேரம்: 01:21:00

கூரை ஜன்னலின் கண்ணாடி டமார் என உடைந்து சிதறியது. இரண்டு M84 ஃப்ளாஷ்பேங் வெடிகுண்டுகள் உள்ளே விழுந்தன. வெடித்த கணத்தில்: பளிச்சென ஒளிக்கற்றை மற்றும் 170 டெசிபல் இரைச்சல். கட்டார் சிங்கின் ஆட்களின் விழித்திரை தற்காலிகக் குருடானது; உள்செவியின் சமநிலை தப்பியதில் அனைவரும் நிலைகுலைந்து தரையில் விழுந்தனர்.

அடுத்த 0.8 வினாடியில், ஏ-டீமின் நான்கு வீரர்கள் கூரை மற்றும் கதவு வழியாக ‘ரூம் என்ட்ரி டிரில்’ முறையில் உள்ளே பாய்ந்தனர்.

தப்... தப்... தப்... தப்!

சைலன்சர் பொருத்தப்பட்ட MP5-கள் 9மிமீ ஹாலோ-பாயிண்ட் ரவைகளை வெளிப்படுத்தின. அதிவேகமாக வந்த ரவைகள், ஆயுதம் ஏந்தியிருந்த நான்கு கூலிப்படையினரின் நெஞ்சுக் கூட்டுப் பகுதியையும் துல்லியமாகத் துளைத்தன.

ரத்தம் 37°C வெப்பநிலையில் உறைபனித் தரையில் தெறித்து, மெல்லிய ஆவியாக எழும்பியது.

சுதாரித்த கட்டார் சிங் தன் ரிவால்வரை இடுப்பிலிருந்து உருவ முயன்றான்.

ராபின் பாய்ந்து, அவனது மணிக்கட்டைப் பற்றி முரட்டுத்தனமாகத்திருப்பினான். மடாக்! ரேடியஸ் எலும்பு முறிந்த சத்தம் கேட்டது. ரிவால்வர் தரையில் விழுந்தது.

அடுத்த கணமே, ராபினின் ஸ்டீல்-பொருத்திய பூட்ஸின் நுனி கட்டார் சிங்கின் கீழ் தாடையில் பலமாக இறங்கியது. மாண்டிபிள் எலும்பு நொறுங்கி, அவன் சுயநினைவை இழந்தான்.

மீதமிருந்த மூவரும் தங்களின் ஆயுதங்களை எறிந்துவிட்டு, தலைக்கு பின்னால் கைகளைக் கட்டி மண்டியிட்டனர்.

முழு ஆபரேஷனும் முடிந்த நேரம்: 210 வினாடிகள்
நேரம்: 01:24:30

அதிர்ச்சியில் இருந்த 23 பெண்களையும், ஏ-டீம் வீரர்கள் தங்களின் ‘தெர்மல் போர்வைகள்’ கொண்டு போர்த்தி, வெளியே நிறுத்தியிருந்த இரண்டு அடையாளங்களற்ற கவச வாகனங்களுக்குள் மிக அமைதியாக மாற்றினர்.
இந்த வாகனங்களில் ‘ஜிபிஎஸ் ஜாமர்கள்’ பொருத்தப்பட்டிருந்ததால், எந்த செயற்கைக்கோள் அல்லது உள்ளூர் சிக்னலாலும் இவற்றைக் கண்காணிக்க முடியாது.

ராபின் தன் கைகளிலிருந்த டேக்டிகல் கையுறைகளைக் கழற்றிவிட்டு, காயமடைந்த குற்றவாளிகளுக்கு விலங்குகளைப் பூட்டினான்.

தன் சாட்டலைட் டெலிஃபோனில் பிரத்யேக ‘256-பிட் என்கிரிப்டட்’ அலைவரிசையை இயக்கினான்.
மறுமுனையில் ……

"விபா! இன்னிக்கு நைட் சச்சின் கா தாபா! ஐ பிக் யூ!”

“ராபின்! என்ன ஆச்சு?ஐயாம் நர்வஸ்?”

“எது என்ன ஆச்சு?”

“விளையாடாத ராபின்! அந்த பெண்கள்..?”

ஓ அதா? ஆபரேஷன் கோட் ரெட் முறியடிக்கப்பட்டது. இலக்குகள் மீட்டெடுக்கப்பட்டன. எதிரிகள் வீழ்த்தப்பட்டனர், டி எம் மேடம்,!

"ராபினின் குரலில் எந்த உணர்ச்சியுமில்லை. ஒரு இயந்திரத்தின் துல்லியம் மட்டுமே இருந்தது.

"அந்த . எம்.எல்.ஏ-வின் தரப்பிலேர்ந்து…………….?"

"மே பி இன் அனதர் டென் மினிட்ஸ்! ஆனால், அவனது ஆட்கள் காணாமல் போன இடம் ஒரு ப்ளாக் ஹோலாக மட்டுமே இருக்கும்."

“வாவ்! யூ ஆர் கிரேட் ராபின்!”

“விபா! அந்தப்பெண்களை என்ன செய்வது?”

“என்ன செய்வதா? அதே ஹோமில் அவர்கள் பாதுகாப்பாக இருக்கட்டும். நான் போலீஸ் ஃபோர்ஸ் அனுப்புகிறேன்!”

“வாட் நான்சென்ஸ்!”

“ராபின்?”

“அப்ப அந்த ஆபரேஷனுக்கு என்ன அவசியம்? முன்னமேயே நீங்க போலீஸ் ஃபோர்ஸ் அனுப்பியிருக்கலாமே?”

“ராபின்?

விபா! உன் போலீஸ் ஃபோர்ஸ் ஏன், என் போலீஸ் ஃபோர்ஸ் யாரையும் நம்ப முடியாது. எல்லாரும் எம் எல் ஏ சுபேதார் சிங்கின் பே ரோலில் இருப்பவர்கள்! இன்னொரு குண்டார் கூட்டம் வந்து அவங்களை அள்ளிட்டு போய்டுவாங்க!”

“ஓ மை காட்! இப்ப என்ன செய்யலாம்? அவங்களை எங்க கொண்டு போய் வெக்கறது? அண்ட் எவ்வளவு நாள்?”

"விபா! டி எம்ல தொடங்கி யாரையும் டிபெண்ட் பண்ணாதே! லக்னோவுல உன் காண்டாக்ட் யாராவது…?”

“ராபின்! நோ! நீதான் ஹெல்ப் பண்ணணும்? உன்னோட முந்தின பாஸ்! அந்த மந்திரி..?”

“ம்ஹும்! நா ஏற்கனவே யோசிச்சுட்டேன். ஹி ஈஸ் நாட் இன் தி கண்ட்ரி!”

“இப்ப அந்த பொண்ணுங்க..?”

“லாரியில ஏத்தியாச்சு! தே ஆர் சேஃப் நவ். பட் நாட் ஃபார் லாங்!”

”ராபின்!கேன் யூ கிவ் மெ டென் மினிட்ஸ்! ஐ வில் கால் யூ பேக்!”

”பாய்ஸ்! ஹேவ் ய பஃப்! மேடம் பாஸ் வில் கால் மி!”

விபா மணி பார்த்தாள். இரண்டு மணி. கொஞ்சம் தயக்கம். பிறகு ஃபோனை எடுத்தாள்.

“அண்ட் ஹூ ஈஸ் திஸ்?”

அதிகாரக்குரலில் தூக்க கலக்கம்.

“விபா? யூ? அட் திஸ் ஹவர்? சொல்லு?”

உடனே யதார்த்த்துக்கு திரும்பின வேகம்.
விபா விவரித்தாள்.

“கேன் யூ ஹெல்ப் மி?”

ஏழே ஏழு வினாடிகள் வெறும் மூச்சு சப்தம் மும்பைக்கும் ஈட்டாவுக்கும் நடுவே.

“எவ்வளவு பெண்கள் சொன்னாய்? இருவத்தி மூணு பேரா? மை காட்! ஓகே! கிவ் மி ஃபிஃப்டீன் மினிட்ஸ். ஸ்டே பை தி ஃபோன்!”

விபா முன்னும் பின்னும் நடந்தாள். டேபிளை கலைத்தாள். ஒழுங்கு படுத்தினாள். டீ போட்டுக்கலாமா என்று சமையல் ரூம் வரை போய்விட்டு திரும்பினாள். மாடி ஜன்னல் வழியே பனிபடர்ந்த பின்னிரவுத்தெரு ரம்மியமாக தெரிந்தது. ஒரே ஒரு நாய் குளிர் தாங்காமல் உடலை சிலிர்த்துக்கொண்டு எதிர்ப்புறம் ஓடியது.

ஃபோன்!

“விபா! காஸ்கஞ்ச் டெல்லி பாசேஜுல இருக்கும் எல்லா செக் போஸ்டுக்கும் ஆர்டர் குடு. வரும் ஆறு லாரிகளை நிறுத்தக்கூடாது. நோ எண்ட்ரி ரிகார்ட்.!”

லாரியா? என்ன வரப்போகிறது?

“கண்டெய்னர்ஸ்! டெல்லியில என் கம்பெனியோட ஆறு ஷிப்பிங் கண்டெய்னர்ஸ் இருக்கு. மாடுலர் டைப். உள்ளே ஹீட்டர், பெட் எல்லாம் இன்-பில்ட். சப் ஏசி-ஹீட்டர் செட்டிங் ஹை. ஆனா, அங்கிருந்து ஈட்டாவுக்கு லாரி வர குறைஞ்சது ஆறு மணி நேரம் ஆகும்."

"ஆறு மணி நேரமா?..."

"கிரீன் காரிடார் கொடுத்தா நாலு மணி நேரம். செக் போஸ்ட்ல என் லாரிங்க நிக்கக் கூடாது."

"நான் நெடுஞ்சாலைகளை திறந்து வைக்கிறேன். ஒரு டோல் கேட்லயும் உன் லாரி நிக்காது. ராபினோட எஸ்கார்ட் வரும்."

ராபின்?

விபா முகம் சிவக்கவெல்லாம் இல்லை. ஆனால் லேசான ஒரு கீற்றுப்புன்னகை.

“பின்னால் சொல்கிறேன்!”

“டோன்’ட்ஃபர்கெட் டு இன்வைட் மி ஃபார் தி என்கேஜ்மெண்ட்!”

பளீரென பதில் அந்தப்பக்கம்.

“ஓகே! நானும் இதோ புறப்பட்டு காஸ்கஞ்ச் மெயின் செக் போஸ்டுக்கு வந்துடறேன்.

மணி 6.00.

தேசிய நெடுஞ்சாலை 91.

சீறிப் பாய்ந்தன பிரம்மாண்டமான ஆறு லாரிகள். சிவப்பு விளக்குச் சுழல, முன்னே ராபினின் ஜீப்.
பனி மூட்டத்தில் லாரிகளின் ஹெட்லைட் வெளிச்சம் மஞ்சள் பட்டைகளாக விழுந்தது.

விபா ரோட்டோரத்தில் நின்றுகொண்டிருந்தாள். கையில் சுடச்சுட காபி. அவளது மூச்சுக்காற்று புகையாக வெளியேறியது.

சுக்லா பயந்து போய் அருகில் வந்தார். "மேடம்ஜி... யே கியா ஹை? கவர்ன்மெண்ட் ஆர்டர் இல்லாம பிரைவேட் லாரியை உள்ள விடறீங்களே? உங்களுக்குப் பிரச்சனை வரும்ஜி..."

விபா காபியை ஒரு மடக்கு குடித்தாள்.

"பிரச்சனை வந்தா வரட்டும் சுக்லாஜி.ஆப் சப் கம்ப்ளீட் கரோ!"

மணி 700.

டிஸ்ட்ரிக்ட் மாஜிஸ்ட்ரேட் ஆஃபீஸின் பின்னால் இருக்கும் காலி இடம்.

லாரியில் வந்த ஆறு ஆசாமிகளும் பனிக்கு நடுவே வேலை செய்தனர். டங்... டங்... இரும்புச் சட்டங்கள் இணையும் சத்தம். லேசர் லைட்கள் இருளைப் பிளந்தன.
லாரிகளில் இருந்து தயாராக வந்த வீடுகள், அடுத்தடுத்த நிமிடங்களில் பூமிக்குள் இறங்கின.

"சுக்லாஜி.. ஹீட்டர் கனெக்ஷன் ஓகேவா?"

சுக்லா ஒரு கண்டெய்னருக்குள் எட்டிப் பார்த்தாள். கதவைத் திறந்ததும் வெதுவெதுப்பான காற்று முகத்தில் அடித்தது.

"சூப்பர் மேடம்ஜி. பஹுத் படியா! "

"பொண்களை உள்ளே மாத்து."

நவீன, பாதுகாப்பான, கதகதப்பான மாடுலர் வீடுகள். முள்வேலி பாதுகாப்பு. உள்ளே 23 சிறுமிகள் கதகதப்பான மெத்தையில் நிம்மதியாக படுத்துக் கொண்டிருந்தார்கள்.

விபா ஃபோன் அதிர்ந்தது.

"டெலிவரி கம்ப்ளீட், ஹோகயா க்யா, மேடம் கலெக்டர்.?”

விபா லேசாகச் சிரித்தாள். கண்களின் ஓரத்தில் ஒரு துளி நீர்.

"தேங்க்ஸ் தீதி. தும்னே கமால் கர் தியா!"

"ஓகே. பேக் டு பிஸினஸ்! அந்தப்பொண்ணுங்களை என்ன செய்யப்போகிறாய்?”

“இப்போதைக்கு கண்டெய்னர்லயே! ஐ ஹேவ் டு திங்க் ஆஃப் ய பிளான்!”

“நான் சொல்லட்டுமா?”

“யெஸ் அஃப் கோர்ஸ்!”

“அவர்களை நான் அழைத்துக்கொள்கிறேன்.
மும்பையில எங்க ஆஷா சதன் ஹோமுல அட்மிட் பண்ணிடறேன். ஆனா எனக்கு ஒரு வாரம் டைம் வேணும்! பர்மிஷன், கிளியரன்ஸ் அண்ட் ஆல் தட்!”

வாவ்! யூ ஆர் ய டார்லிங்!”

அதெல்லாம் உன் ராபின் கிட்ட வெச்சுக்கோ! ஆனா ஒரு கண்டிஷன். கோயி மீடியா நஹி, கோயி பப்ளிசிட்டி நஹி. என் போர்டு ஆஃப்டைரக்டர்ஸ்க்கு தெரிஞ்சா நான் காலி! உன் வீட்டுக்கு சமையல் உதவிக்குதான் நான் வரவேண்டும்!”

“வாவ்! வசுந்தரா என் வீட்டு சமையலுக்கா? வாட் ய ஹானர்!”

“அண்ட் மை டியர் விபா! ஐ நோ யூ வில் செலிப்ரேட் வித் ராபின் டுநைட்! பட் கீப் ய டிஸ்டன்ஸ்!”

அந்தப்பக்கம் ராயசமான குறும்பில் ஒலித்தது வசுந்தராவின் குரல்.