இன்றைய கதையரங்கம் (23 மர்ர்ச், 2018)....

தேன்… கெட்ட தேன்?

“ப்யூலா! என்ன சத்தம் அங்க?”

“இதோ பாக்கறேன் புரொஃபசர்!”

”யாருய்யா அது? டீன் ரூம் வாசல்ல வந்து தகறாரு பண்ணிக்கினு இருக்கீங்க? என்னா வோணும்?”

“ நர்சம்மா! இத்த கேளுங்க!”

“யோவ்! நான் நர்ஸு இல்லைய்யா! சொல்லு!”

“புள்ள சாகக்கெடக்குது! பெரிய டாக்டர இட்டாந்து பாக்க சொல்லுன்னா, முடியாதுன்றாரு! அதான் பெரிய டாக்டரண்டவே வந்துட்டம்!”

“அவினாஷ்! டீன் சத்தம் போடறாரு! என்ன ஆச்சு?”

ப்யூலா! நானே டீனப்பாக்கத்தான் வர்ரேன்!

இந்தாளுங்க தொல்ல தாங்க முடியல!

“யாய்! ஆரப்பாத்து…!”

“த சும்மாருய்யா! இதென்ன உங்க பேட்டைன்னு நெனச்சியா? செக்யூரிட்டிய கூப்பிட்டு வெளில தெர்த்திடுவேன்! கம்முனு இரு! விஜாரிக்கலாம்!”

டீன் வெளியே வந்து விட்டார்.

” ப்யூலா! வாட்ஸ் ஹேப்பனிங்? அவினாஷ்! நீயும் இங்கதான் இருக்கியா?”

“அய்யா பெரிய டாக்டரய்யா! நீங்களே வந்து பாருங்கய்யா!”

“வரேன் வரேன்! என்ன அவினாஷ்! என்ன நடக்குது?”

“எட்டு வயசுப்பொண்ணு டாக்டர்! ஸ்கின் அலர்ஜி! எங்கியோ ஆயுர்வேதிக் ட்ரீட்மெண்ட் பாத்துருக்காங்க! அதுல ஃப்ளேர் அப் ஆகியிருக்கு. பார்த்தா , ய பிட் சீரியஸ் புரொஃபசர்!”

“என்ன பண்ணினே?”

லம்பார் பங்க்சருக்கு குடுத்திருக்கேன்.”

வெல்! யு டிட் ரைட்! அப்ப என்ன கூச்சல்?”

“நீங்கதான் பாக்கணுமாம்! பொண்ணு சீரியஸ் கேஸுன்னு ரகளை!”

“இங்க வாங்க! இந்தாங்கம்மா, நீங்க பொண்ணோட அம்மாவா ? டெஸ்டுக்கு போயிருக்கு. ரிசல்ட் வந்தவுடனே நா வரேன்! ஏன்மா லேட்டா வர்ரீங்க! இங்கல்லாம் இலவசம் தானே! உடனே வந்துட வாண்டாம்! நீங்க லேட் பண்ணிட்டு இங்க வந்து சத்தம் போட்டா எப்படி?”

“இல்லீங்க! அவரு சின்னப்பையனா இருக்காரு! அதான் நீங்க பாக்கணுமின்னு விருப்பப்பட்டோம்! ஒரே பொண்ணுங்கய்யா இந்தம்மாவுக்கு!”

”இவரும் நல்ல டாக்டருதான்யா! சரி சரி காத்திருங்க! நானே வந்து பாக்கறேன்!”

”அவினாஷ்! ப்யூலா! லெட்ஸ் கோ!”

”அவினாஷ்! ப்ளீஸ் நோட் த ராஷெஸ்? மெனிஞ்செடிஸ்! காட் ஃபர்பிட்! செப்டிகேமியா! கிளாஸ் டெஸ்ட் பண்ணினியா?”

“இல்ல டாக்டர்!”

”டூ இட் ! ரைட் நௌ!”

”நாட் கிளியர் டாக்டர்!

”ஐ தாட் ஸொ! லம்பார் ரிஸல்ட் கொடு!”
“ஒப்பனிங் ப்ரெஷர் அதிகமில்லையே! மெனிஞ்கோ கோகல் வைரஸ் னு நிச்சயமா சொல்ல முடியாது! ஹோப் இட் ஈஸ் நாட்! ! அட்மினிஸ்டர் கார்டிகொ ஸ்டிராய்ட்ஸ்! வேற வழி இல்லை!” அப்சர்வ் ஹர் ! பிளட் ப்ரெஷர் எப்படி இருக்கு? ஷாக் இருக்கா?

” பிரஷர் லோ தான் டாக்டர்! மைல்ட் ஷாக் இருக்கு!”

ஓகே! நீ உடனே இண்ட்ராவீனஸ் ஃப்ளுயிடுக்கு ஏற்பாடு பண்ணு! ரொம்ப குளோஸா வாட்ச் பண்னு அவினாஷ்! சாரி! இன்னிக்கு உனக்கு 24 மணி ட்யூட்டி! எனக்கும்தான்!”

”ஓகே டாக்டர்!”

ப்யூலா! அவங்களக்கூப்பிடு!”

“எப்பலேர்ந்தும்மா இந்த மாதிரி இருந்தது?”

“ஒரு வாரமா டாக்டர்!”

“ஒரு வாரம் என்னம்மா பண்ணினீங்க?”

“ஆயுர்வேத டாக்டராண்ட காட்னேங்க! அவ்ரு பவுடர் குடுத்து தேன்ல கலந்து உடம்புல தேக்கச்சொன்னாருங்க! அது தேச்சப்பிற்பாடுதான் பெரிசாயிடுச்சுங்க!”

“ஆமாங்கய்யா! அவனப்பிடிச்சு கட்டிப்போட்ருக்கமில்ல! கொழந்தைக்கு எதுனா ஆச்சுன்னா அவன பொலி போட்றுவம்!”

”யோவ் அதெல்லாம் கூடாதுய்யா! அவனும் படிச்சவன் தானே? அந்த டாக்டரக்கூப்பிட்டு வாங்க! நான் பேசறேன்!”

“இதோ இவந்தான் அந்த வைத்தியன்! ! டாய்! வாடா இங்க!”

“இந்தாய்யா! விடு அவர! நீங்க உள்ள வாங்க! ப்யூலா! கீப் தெம் அவே!”

“கொழந்த பொழச்சுப்பா! ஆமா, நீங்க என்ன மருந்து குடுத்தீங்க?”

”சார்! டாக்டர்!”

”டாக்டர்னே கூப்பிடுங்க!”

”டாக்டர்! கொழந்தைக்கு கப உடம்பு! சட்டுன்னு தோலைப்பாதிக்கற விஷயங்கள் நெறைய இருக்கு. நா பார்த்த வரைக்கும் அவளுக்கு இருந்தது தத்ருன்னு ஆயுர்வேதத்துல சொல்வோம். அதனால சரசபரில்லான்னு மூலிகை…

“நன்னாரி இல்ல நறு நேட்டிம்போமே, அதுவா?”

அட! அதேதாங்க! அத தேனுல குழைச்சு தடவச்சொன்னேன். தப்பே ஆவாதுங்க! இவங்க என்ன பண்ணினாங்களோ என்னமோ என்னையப்போட்டு அடிக்க வர்ரானுங்க! காப்பாத்துங்க டாக்டர்!”

”பயப்படாதீங்க! ஆமா தேன் நீங்களே குடுத்தீங்களா?

”இல்ல டாக்டர்! கடையில வாங்கிக்கச்சொன்னேன்!”

“அதான் அங்கதான் பிராப்ளம் இருந்திருக்கணூம்!

ப்யூலா? அந்தம்மாவ மட்டும் கூப்பிடு!”

”ஏம்மா இவரு குடுத்த மருந்த தேன்லதானே கொழைச்சு தடவினீங்க?”

”ஆமாங்கய்யா!”

”தேன் எங்க வாங்கினீங்க?”

”போன மாசம் ஒரு பொண்ணு வாசல்ல வந்து வித்திச்சு! அத வாங்கிவெச்சேன்!!”

“அந்த பாட்டில் எடுத்துட்டு வாங்க! நான் டெஸ்ட் பண்ணச்சொல்றேன்!”

“குழந்த பொழச்சுக்குமா அய்யா?”

பார்ப்போம்மா! சுலபமா விட்றுவோமா? நாங்கல்லாம் டாக்டருக்கு படிச்சுட்டு எதுக்கு இருக்கோம்?”

”ப்யூலா! செக் வித் அவினாஷ்!

”ஸ்டேபிள் டாக்டர்!”

”வாட்ச் தி ரேஷஸ்!”

”ஷ்ரிங்கிங்!”

”தாங்க் காட்! மெனிஞ்சோகோக்கல் இல்லை! தப்பிச்சா கொழந்த! நாளைக்கு எதுக்கும் வாக்ஸினைப்போட்டுடு! ACW135 ஸ்டாக் இருக்கா? இல்லேன்ன கெட் இட் ஃப்ரம் ராயப்பெட்டா!”

புரொஃபசர்! பேஷண்ட் ஸ்டேபிள்! ராஷஸ் டௌன்! ப்ரெஷர் நார்மல்!”

”குட்! அவினாஷ்! இந்தம்மா பாட்டில் தேன் தருவாங்க! லாப்க்கு அனுப்பிடு! ஐயாம் அல்மோஸ்ட் ஷ்யூர்!

ப்யூலா! எல்லோரையும் கூப்பிடு!

“த பாருங்கய்யா! இந்த டாக்டர் குடுத்த மருந்து சரியான மருந்துதான்! அந்தம்மா ஏதோ கெட்டுப்போன தேன்ல குழச்சதால பொண்ணுக்கு அலர்ஜியாப்போயிடுச்சி! இப்ப ஒண்ணும் கவலை இல்ல!”

“அடங்கொன்னியா! தேனா கெட்டுப்போச்சி! தேன் கெடாதுன்னுவாங்களே!”

”அதெல்லாம் நல்ல தேனு! இது என்ன கலப்படமோ! நீங்க தப்பு பண்ணிட்டு இவர மெரட்டறீங்களே?

”மன்னிச்சுக்கங்க வைத்தியரய்யா!”

”அடப்போய்யா! நா ஊர விட்டே போறன்!”

”பெரிய டாக்டரய்யா! ரொம்ப நன்றிங்க!”

”இந்தாம்மா! கொழந்த இன்னிகு இங்கவே இருக்கட்டும்! நாளைக்கு அழச்சிட்டு போங்க! அவினாஷ்! அந்த பெட் நம்பர் 14 எப்படி இருக்காங்க?”

”ஏம்மா! பைலாம்மா?”

”யோவ்! எம்பேர் ப்யூலாய்யா!”

”சரிங்க! பெரிய டாக்டர் தெய்வம்மா! ஒரே நாளுல பொண்ன பொழைக்க வெச்சுட்டாரூ! இன்னைக்கே அவர் பேருல முப்பாத்தி அம்மன் கோவில்ல அர்ச்சன ஒண்ணும் பண்ணிடறேன்! ஆமா அவர் பேரு என்னம்மா!”

” அவர் பேரு வைகுண்டம்! டாக்டர் வைகுண்டம்!”